Blŭ hrăm hlăm bruă anei, bi ala kơ knŭk kna, Khua knŭk kna Phạm Minh Chính čih pioh lehanăn bi mni hơêč hmưi kơ boh tŭ dưn mơ̆ng bruă Đảng, bruă sang čư̆ êa, lĭng kahan lehanăn čar Đồng Nai mâo leh hlăm wưng êgao. Khua knŭk kna lač, klei čuăl mkă čar Đồng Nai hŏng klei ƀhĭ ênŭm, mjing klei găl prŏng mâo ai bi ktưn, lehanăn mghaih msir jih klei awăt êdu hlăm čar.

Čuăl mkă hŏng hdră êlan mđĭ kyar mrâo, mjing klei tŭ dưn kơ čar Đồng Nai djŏ hlăm hdră êlan kơ klei mđĭ kyar kluôm ala. Khua knŭk kna mtă kơ dŭm knơ̆ng dhar bruă lŏ ngă tŭ jing klei čuăl mkă čar Đồng Nai; mđrăm mbĭt hŏng alŭ wăl mkăn dưn yua jih ai ktang hlăm bruă bi leh klei čuăl mkă./.