Hlue si asăp jak iêo mơ̆ng knŭk kna dŭm ala čar arâp hluh lir (UAE) lehanăn knŭk kna Turki, tlam mbrue 28/11 Khua knŭk kna Phạm Minh Chính lehanăn mô̆ ñu mbĭt hŏng êpul khua prŏng Việt Nam nao leh ti anôk bi kƀĭn gưl dlông klei ngă bruă kơ yan adiê tar rŏng lăn dôk hlăm hdră mơ̆ng klei bi kƀĭn tal 28 dŭm tĭng nao hlăm klei kuôl kă mbĭt mơ̆ng Êpul hgŭm lu ala čar kơ klei bi mlih yan adiê (COP28), mâo dŭm bruă ngă dua nah ti UAE lehanăn klă klơ̆ng nao čhưn kơ ala čar Turki mơ̆ng hrue 29/11 - 03/12/2023.

Klei bi kƀĭn gưl dlông COP28 jing bruă lu tĭng hlăm thŭn anei kơ klei bi mlih yan adiê. Klei bi kƀĭn anei mâo êbeh 70 êbâo čô phung bi ala hriê mơ̆ng 197 ala čar, EU lehanăn dŭm êbâo êpul bruă êngao knŭk kna, phung duh mkra êpul êdam êra lehanăn dŭm tĭng djŏ tuôm. Boh nik jing êbeh 100 čô khua kiă kriê, khua knŭk kna mơ̆ng dŭm lăn čar. Khua knŭk kna Phạm Minh Chính nao ti anôk bi kƀĭn anei jing kñăm čiăng kơ Việt Nam bi êdah bruă klam pô hgŭm jih ai tiê hŏng klei mghaih msir jih jang jang klei lông dlăng mbĭt tar rŏng lăn kơ klei bi mlih yan adiê, đru kơ tar rŏng lăn mâo dŭm hdră êlan mdrơ̆ng hŏng klei bi mlih yan adiê./.