Khua knŭk kna Phạm Minh Chính nao ti anôk bi kƀĭn gưl dlông ASEAN gưl tal 42 ti ala čar Indonesia
Thứ ba, 10:02, 09/05/2023
VOV TAYNGUYEN
VOV TAYNGUYEN
VOV4.Êđê- Aguah anei (9/5), Khua knŭk kna Phạm Minh Chính djăakŏ êpulkhua kiă kriê Việt Nam truh kơ ala čar Indonesia nao ti anôk bi kƀĭn gưl dlông ASEAN tal 42.
Klei bi kƀĭn tal anei hŏng akŏ “Sa ASEAN mâo ăan dhuan kjăp: Anôk phŭn klei đĭ kyar”, Indonesia, ala čar kiă kriê ASEAN 2023 srăng mâo lu bruă ngă, hŏng dŭm klei mĭn mdrơ̆ng hŏng djăp mta klei amâo mâo jăk dôk găn hlăm tar rŏng lăn ară anei, mđing kơ bruă bi mâo djăp êa pui, êwa čuh, mnơ̆ng ƀơ̆ng huă, mđĭ hĭn klei mdrao mgŭn, lehanăn klei kơ ngăn prăk, bi hơĭt bruă duh mkra lehanăn mâo 3 kmah gơ̆ng êpul êya yang ƀuôn dôk mđing.
Dŭm klei bi kƀĭn gưl anei trông čhai kơ bruă mkŏ mjing yang ƀuôn ASEAN kjăp, lehanăn bi trông kơ djăp mta bruătar rŏng lăn lehanăn alŭ wăl dôk găn. Tĭng mkă klei bi kƀĭn tal 42 anei mơ̆ng ASEANsrăng dưi bi mklă lu hră mơar yuôm bhăn kơ jih jang bruă hgŭm kơ kđi čar, kơ klei duh mkra lehanăn dhar kreh yang ƀuôn./.
Viết bình luận