VOV4.Êđê - Tlam mmăt hruê 10/5, Khua knŭk kna Phạm Minh Chính mbĭt hŏng phung khua kiă kriê dŭm ala čar ASEAN nao leh ti Anôk bi kƀĭn gưl dlông ƀri bi hdơr 45 thŭn klei bi mjĕ ASEAN – Mi. Anei jing gưl nao čhưn kơ ala tač êngao tal êlâo mơ̆ng Khua knŭk kna Phạm Minh Chính hlăk Việt Nam dưi ksiêm dlăng leh klei ruă Covid 19 hlăm kluôm ala, lŏ wĭt pŏk ƀăng, lŏ krŭ wĭt lehanăn mđĭ kyar bruă duh mkra – ala ƀuôn h’ĭt kjăp, ñŭ kma hŏng tar rŏng lăn klă sĭt lehanăn tŭ dưn.

Gưl nao čhưn tal anei mơ̆ng Khua knŭk kna Phạm Minh Chính mâo boh tŭ yuôm bhăn kñăm pŏk hdră êlan hŏng tač êngao mơ̆ng Đảng, Knŭk kna, mñă klă k’hưm lehanăn klei đua klam mơ̆ng Việt Nam hlăm ASEAN, mđi bruă klam phŭn mơ̆ng ASEAN, mtrŭt mđĭ hdră bi hgŭm mơ̆ng ASEAN hŏng Mi, sa ƀĭng hgŭm yuôm bhăn mơ̆ng ASEAN.

H’ Nêč pô mblang