Klei bi trông anei mâo Phŭn bruă čuăl mkă duh bi liê, Anôk bruă bi ala knŭk kna Việt Nam ti Turki lehanăn êpul gơ̆ng bruă duh mkra hŏng tač êngao Turki hgŭm mkŏ mjing. Ti anôk trông čhai phung duh mkra Việt Nam – Turki hưn mdah klei găl, tui duah klei duh bi liê hgŭm bruă duh mkra mnia mblei. Blŭ hrăm ti anôk bi kƀĭn, Khua knŭk kna Phạm Minh Chính brei thâo: Việt Nam mđing hlăk 3 mta klei mđĭ kyar, čang hmăng mâo klei hgŭm hlăm duh mkra mrô, bi mlih mtah, duh mkra kluôm, duh mkra knhăk, bi đru duh mkra, kdrăp mă bruă kreh knhâo, mâo klei thâo kiă kriê, hlăm anăn mâo phung duh mkra Turki nao duh bi liê ti Việt Nam.

Ăt hlăm hrue 30/11 khua knŭk kna Phạm Minh Chính drông khua ngăn prăk  lehanăn khua phŭn bruă tuh tia Turki , lehanăn nao čuă lehanăn mă bruă hŏng Êpul grŭp ksiêm duah kơ êngĭn adiê Turki (TAI) – sa hlăm dŭm êpul grŭp bruă lĭng kahan Turki, lehanăn nao čuă sang dăp pioh Anatolia, Turki.