Wưng leh êgao, Đảng, knŭk kna kah leh sa ênoh prŏng pioh kơ bruă mkra mđĭ bruă nah gŭ, mbha dŭm klei duh bi liê kơ dŭm krĭng sa lŭ wăl. Blŭ hrăm ti anôk pŏk ngă bruă anei, khua knŭk kna Phạm Minh Chính lač klă, bruă mkra êlan dơ̆ng pral Tuyên Quang - Hà Giang hŏng boh taih 105 km, ênoh bi liê jih jang truh 10 êbâo êklai prăk mâo knŭk kna jao kơ dua boh čar Tuyên Quang lehanăn Hà Giang jing anôk bruă kiă kriê klei ngă bruă, kñăm kơ bruă mđĭ kyar klei duh mkra ala ƀuôn.

Anei jing bruă bi sĭt hdră mtrŭn mơ̆ng phŭn bruă kđi čar, kơ klei mđĭ kyar bruă duh mkra ala ƀuôn, lehanăn răng mgang klei êđăp ênang krĭng kngư lehanăn krĭng čư̆ čhiăng kwar dưr truh thŭn 2030, tă hdră truh kơ thŭn 2045. Khua knŭk kna mtă, leh klei rŭ mkra mta kơ dŭm anôk bruă, êpul êya bi ktưn ngă bruă, bi leh jăk hdră čuăn phŭn./.