VOV4.Êđê- Tlam mbrue (5/6), ti ƀuôn prŏng Hồ Chí Minh, Khua knŭk kna Phạm Minh Chính nao lehanăn blŭ hrăm ti anôk trông čhai gưl dlông bruă duh mkra Việt Nam hŏng akŏ: “Mkŏ mjing klei duh mkra êngiê, čŏng bi ñŭ kma klei duh mkra êlam hĭn hlăm boh klei ară anei” mâo Êpul bruă duh mkra gưl dlông mkŏ mjing ti gŭ klei kiă kriê mơ̆ng Khua Anôk bruă duh mkra gưl dlông Trần Tuấn Anh.

Leh hmư̆ jih jang klei blŭ ti anôk bi kƀĭn, khua knŭk kna lač, hdră êlan “Hŏng klei êngiê, čŏng pô ñu kma” Kbiă hriê mơ̆ng klei mĭn sa hnơ̆ng mơ̆ng Đảng, kơ bruă bi klin jih ai ktang djuê ana hŏng ênuk ară anei, dưn yua kjăp hdră êlan Marc Lenin lehanăn klei mĭn Hồ Chí Minh. Kơ bruă čuăn, hdră kñăm, Khua knŭk kna lač, mjing anôk duh mkra hŏng klei êđăp ênang, bi kjăp klei bhiăn, mjing atur kjăp hlăm bruă duah djăp klei găl mđi kyar klei duh mkra êngiê, bi mguôp hŏng klei ñu kmă êlam hĭn hŏng ala tač êngao./.

Pô mblang: Y-Khem Niê