Khua knŭk kna Phạm Minh Chính nao ti Klei bi kƀĭn bi mni phung khua thŭn mbruă bruă duh mkra kluôm ala tal IV, wưng thŭn 2018-2023
Thứ sáu, 00:00, 17/11/2023
VOV TAYNGUYEN
VOV TAYNGUYEN
VOV4.Êđê- Aguah mbruê (16/11) ti Hà Nội, Khua knŭk kna Phạm Minh Chính nao ti Klei bi kƀĭn bi mni phung khua thŭn mbruă bruă duh mkra kluôm ala tal IV, wưng thŭn 2018-2023 hŏng asăp hưn mthâo “Mđĭ lar bruă klam mơ̆ng mnuih khua thŭn mbruă bruă duh mkra, nao hgŭm hlăm hdră mlih mrô, bi mlih mtah, đru mkŏ mkra ala čar đĭ kyar sah mdrŏng”.
Ti knăm anei, Anôk mkŏ mjing bi mni leh 273 gru mngač dưi ruah ti dŭm klei kƀĭn bi mni mnuih khua thŭn mbruă bruă duh mkra wưng thŭn 2018 - 2023 ti 63 čar, ƀuôn prŏng hlăm kluôm ala. Anei jing gru mngač êdah êdi amâo djŏ knŏng bi mdrŏng kơ pô, kơ gŏ sang ƀiădah lŏ mjing bruă mă kơ lu mnuih, đru mđĭ kyar bruă duh mkra ti alŭ wăl lehanăn mjing ai lar bra hlăm kluôm ala.
Blŭ ti knăm anei, Khua knŭk kna Phạm Minh Chính mñă, dŭm klei gĭr lehanăn boh tŭ mơ̆ng mnuih khua thŭn hlăm kluôm ala đru mguôp yuôm bhăn ba ala čar drei hgao klei dleh dlan, lông dlăng, čiăng kơ ala čar anei lŏ mâo klei tŭ jing, k’hưm, prŏng msĕ ară anei./.
Viết bình luận