Nao ti knăm anei hluê hdră klă anăp lehanăn online lŏ mâo phung khua kiă kriê dŭm Phŭn, dhar bruă gưl dlông, phung khua 63 čar, ƀuôn prŏng, dŭm anôk bruă duh mkra, êpul group p’prŏng, phung khua Phŭn bruă hŏng tač êngao, Phung bi ala, Khua anôk bi ala Việt Nam ti ala tač êngao.

Hluê Khua phŭn bruă hŏng tač êngao Bùi Thanh Sơn, brei hluê ngă kjăp Hdră mtrŭn Klei bi kƀĭn tal XIII mơ̆ng Đảng kơ bruă “Mkŏ mkra hdră hŏng tač êngao bruă duh mkra mkăp kơ hdră đĭ kyar mă mnuih ƀuôn sang, alŭ wăl lehanăn anôk bruă duh mkra jing phŭn ngă bruă”, hŏng klei gĭt gai kjăp mơ̆ng Phŭn bruă kđi čar, Anôk dlăng bruă Đảng, hŏng klei tui ksiêm mơ̆ng Khua knŭk kna lehanăn phung k’iăng khua knŭk kna, hdră bruă tač êngao hlăm hdră duh mkra mâo leh dŭm knhuang đĭ kyar mrâo hluê hdră kluôm, klă sĭt lehanăn tŭ dưn hĭn”./.