Ti anôk bi kƀĭn, Khua knŭk kna mñă, anôk bruă sang phat kđi brei mđing hluê ngă hdră mlih mrô – dlăng anei jing sa hlăm dŭm bruă yuôm bhăn, ba wĭt boh tŭ dưn hlăm djăp mta ra bruă mơ̆ng Anôk bruă Sang phat kđi hlăm anăn brei kơ anôk bruă lŏ dơ̆ng mđi lar ai tiê “5 mtrŭt mđĭ”.

Kơ bruă klam, hdră msir hlăm wưng ti anăp, Khua knŭk kna mtă, anôk bruă mđing bi leh jih klei bhiăn, hdră mtrŭn mtrŭt mđĭ mrô hlăm Anôk bruă sang phat kđi yang ƀuôn, mđĭ kyar bruă Sang phat kđi điện tử. Hnưm ba mdah kơ Anôk bruă kƀĭn ala bi mklă Hdră bhiăn mkŏ mjing sang phat kđi yang ƀuôn (mkra mlih) lehanăn Hdruôm hră bhiăn kčŭt hưn klei ngă soh (mkra mlih), mjing klei găl kơ hdră kčŭt hưn bruă ngă soh hluê hdră online, kčah mtrŭn kơ klei ba mgrơ̆ng hluê hdră điện tử; klei kreh knhâo djŏ hdră bhiăn mŏng bruă anei, klei dưi, bruă đua klam mŏng phung hluê ngă hdră kčŭt hưn hluê hdră điện tử.