Thŭn 2023, Phŭn bruă Êlan klông dŭ mdiăng mđing ksiêm dlăng, bi leh, mkra mđĭ hnơ̆ng tŭ jăk bruă čih mkra klei bhiăn, hdră mtrŭn lehanăn dưi mâo dŭm boh tŭ yuôm bhăn. Mta phŭn jing mđĭ bruă kah mbha gưl, klei dưi hlăm hdră kriê dlăng knŭk kna hlăm Phŭn bruă Êlan klông dŭ mdiăng. Boh nik kơ anôk bruă nah gŭ, bruă rŭ mdơ̆ng 26 hdră bruă, hlăm anăn bi hrŏ wưng rŭ mdơ̆ng 6 hdră bruă yuôm mơ̆ng ala čar lehanăn gưl tal êlâo hluê ngă knăm mphŭn rŭ mdơ̆ng hluê hdră online.

Ngă leh, ba yua 20 hdră bruă, hŏng hdră êlan êran pral hŏng 9 hdră bruă dlông 475km, mđĭ hnơ̆ng êlan êran pral mâo ba yua hlăm kluôm ala giăm 1.900 km. Ti knăm anei, phung bi ala dŭm phŭn, dhar bruă, alŭ wăl mâo leh klei bi trông kñăm tĭng dlăng boh tŭ dưi mâo, dŭm klei êdu kƀah, gun kpăk, dleh dlan; hưn mdah dŭm hdră ngă jăk, mrâo, tŭ dưn hlăm klei pŏk ngă bruă klam, ba mdah hdră msir kơ Anôk bruă êlan klông dŭ mdiăng ngă leh mta kñăm, bruă klam hlăm thŭn 2024./.