Leh hmư̆ klei blŭ bi trông ti Anôk bi kƀĭn, Khua knŭk kna Phạm Minh Chính brei thâo leh boh tŭ dưn thŭn 2023 dưi mâo mơ̆ng Anôk bruă dhar kreh, mjuăt ktang asei mlei lehanăn Hiu čhưn ênguê, hlăm anăn mñă klă, anôk bruă hrăm mbĭt hŏng dŭm gưl, alŭ wăl lŏ dơ̆ng bi mlih klei mĭn mơ̆ng “Ngă bruă dhar kreh” jing “Kriê dlăng knŭk kna hlăm bruă dhar kreh”, gĭr msir mghaih klei dleh, gun kpăk; pral ba yua klei găl mâo, pŏk ngă mđrăm mbĭt dŭm bruă klam, hdră msir lẻhanăn dŭm boh tŭ dưi mâo.

Hŏng hdră êlan, bruă klam hlăm thŭn 2024 lehanăn dŭm thŭn ti anăp, Khua knŭk kna mtă kơ Anôk bruă dhar kreh, mjuăt ktang asei mlei lehanăn Hiu čhưn ênguê mđing pŏk ngă kjăp hdră êlan mtrŭn mơ̆ng Đảng, hdră bhiăn mơ̆ng knŭk kna kơ bruă dhar kreh, boh nik Klei klah čŭn mơ̆ng Khua gĭt gai Đảng Nguyễn Phú Trọng ti Klei bi kƀĭn bruă Dhar kreh kluôm ala./.