Hruê mbruê (19/8), Khua knŭk kna Phạm Minh Chính nao ti Klei bi kƀĭn ksiêm wĭt thŭn hriăm 2023 – 2024 lehanăn pŏk ngă bruă thŭn hriăm 2024 – 2025 mâo Phŭn bruă Sang hră m’ar mkŏ mjing hluê hdră online mkŏ hŏng Hà Nội lehanăn 63 čar, ƀuôn prŏng hlăm Gưl dlông. Bi ala Knŭk kna, Khua knŭk kna Phạm Minh Chính mñă, bi mni lehanăn h’êč hmưi dŭm boh tŭ dưi mâo mơ̆ng Anôk bruă Sang hră m’ar thŭn leh êgao, đru mguôp hlăm boh tŭ dưn mbĭt mơ̆ng ala čar wưng leh êgao.

Kơ dŭm bruă klam, hdră msir phŭn, Khua knŭk kna mtă kơ Phŭn bruă Sang hră m’ar, dŭm phŭn, dhar bruă djŏ tuôm mđing pŏk hluê ngă, pral hưn mthâo hŏng dŭm anôk bruă djŏ tuôm dŭm bruă êgao hdră dưi msir mghaih. Mprăp ênŭm dŭm klei găl kơ thŭn hriăm mrâo, mkŏ mjing jăk Knăm kkuh drông thŭn mrâo 5/9 kơ anăp, mjing ai êwa hơ̆k m’ak kơ thŭn hriăm mrâo, boh nik mđĭ hnơ̆ng thâo êpul knuă druh nai mtô, djŏ guôp hŏng klei dôk čiăng./.