Leh hmư̆ klei blŭ mơ̆ng phung khua kiă kriê dŭm phŭn, dhar bruă ti alŭ wăl, Khua knŭk kna Phạm Minh Chính čih pioh, bi mni dŭm klei gĭr lehanăn boh tŭ dưqi mâo mơ̆ng dŭm Phŭn, dhar bruă, alŭ wăl, klei gĭt gai mơ̆ng Anôk mkra mlih brŭă ngă hră m’ar knŭk kna wưng êgao, mâo lu klei đru mguôp yuôm bhăn lehanăn ba wĭt klei tŭ jing mơ̆ng kluôm ala.

Khua knŭk kna mtă, dŭm phŭn, dhar bruă, alŭ wăl lŏ dơ̆ng ksiêm dlăng, mlih mrâo kơ hdră ngă, mđĭ lar klei đua klam mơ̆ng phung khua kiă kriê čiăng hluê ngă jăk bruă mâo kčah jao. Phung khua kiă kriê brei mđĭ klei bi blŭ hrăm čiăng thâo klei mâo lehanăn msir mghaih klei dleh dlan, gun kpăk kơ mnuih ƀuôn sang, anôk bruă duh mkra, mjêč bi leh, hưn mthâo hŏng anôk bruă djŏ tuôm kñăm ba mtrŭn klei bhiăn djŏ guôp mâo klei tŭ ba yua./.