Knăm anei bi mklă leh bruă klam yuôm bhăn mŏng bruă dŭ mdiăng êlan phiơr hlăm hdră mđĭ kyar bruă duh mkra ară anei, Khua knŭk kna Phạm Minh Chính lač, klei êđăp ênang lehanăn bi hgŭm ăt jing hdră phŭn, kyua anăn bruă duh mkra, mnia mblei lehanăn duh bi liê srăng lŏ dơ̆ng đĭ kyar, hlăk hdră duh mkra đĭ kyar snăn klei čiăng blei yua, găn êrô, hiu čhưn ênguê mơ̆ng mnuih ƀuôn sang srăng đĭ hĭn.

Hlăk êjai anăn, hdră bi mjĕ mjuk mnuih ƀuôn sang mâo bruă klam yuôm bhăn lehanăn klei čiăng êrô hiu hŏng êlan phiơr srăng đĭ lu. Khua knŭk kna Phạm Minh Chính čang hmăng anôk bruă êlan phiơr mơ̆ng Việt Nam bi hgŭm, bi ktưn hŏng klei mtăp mđơr, boh nik hlăk ară anei – hlăk dua ala čar srăng dưi mkra mđĭ jing Ƀĭng hgŭm phŭn kluôm dhuôm, hlăm anăn mâo hdră bi hgŭm, mjuăt bi hriăm mnuih mă bruă mâo klei thâo yuôm bhăn./.