Hlăm 30 thŭn êgao, klei bi mjĕ Việt Nam lehanăn ADB amâo mdei dưi mkra mđĭ kyar, boh nik jing hdră đru pral, klă sĭt mŏng ADB kơ Việt Nam hlăm hdră mdrơ̆ng hŏng klei ruă Covid 19, mtrŭt hdră lŏ krŭ wĭt lehanăn mđĭ kyar bruă duh mkra – ala ƀuôn. Khua knŭk kna Phạm Minh Chính mñă klă, Knŭk kna Việt Nam dlăng ADB jing sa hlăm dŭm ƀĭng hgŭm đĭ kyar yuôm bhăn, jĕ giăm, đăo knang, mbĭt anăn brei thâo, leh êbeh 35 thŭn mlih mrâo, Việt Nam ka tuôm mâo ôh klei găl, kơhưm msĕ si ară anei. Hlăm dŭm boh tŭ mơ̆ng Việt Nam mâo klei hgŭm, đru tŭ dưn mơ̆ng ADB.

Leh 30 thŭn klei bi mjĕ hgŭm bruă Việt Nam – ADB ƀrư̆ hruê ƀrư̆ đĭ hlăm djăp mta ra bruă. Khua knŭk kna mtă hlăm wưng mrâo, klei bi hgŭm plah wah Việt Nam – ADB brei mâo klei mlih mrâo, mđing kơ hdră duh bi liê mđĭ kyar, mâo mta phŭn, klei bhiăn klă klơ̆ng, mâo klei mkra mlih, hdră ngă mrâo hĭn čiăng ba wĭt boh tŭ dưn prŏng hĭn./.