VOV4.Êđê- Mmăt mbruê, 30/9, bruă Đảng čar, Êpul gơ̆ng bruă ƀuôn sang, Anôk bruă sang čư̆ êa, Anôk bruă Mặt trận čar Bình Thuận mkŏ mjing leh Knăm bi hdơr 30 thŭn mkŏ mjing čar (1992 - 2022) kñăm lŏ bi hdơr ktuê êlan đĭ kyar, hưn mthâo klei găl mâo hlăm wưng êgao.

Nao lehanăn blŭ ti knăm anei, bi ala Đảng, Knŭk kna, Khua knŭk kna Phạm Minh Chính h’êč hmưi, bi mni kơ dŭm boh tŭ mâo bruă Đảng, sang čư̆ êa lehanăn lĭng kahan, mnuih ƀuôn sang Bình Thuận mâo leh hlăm ktuê êlan 30 thŭn mkŏ mjing, mlih mrâo lehanăn đĭ kyar. Hlăm wưng ti anăp, Khua knŭk kna mtă kơ Bình Thuận lŏ čuê dŭm boh tŭ dưi mâo, hgŭm mguôp, gĭr ktưn hĭn, mjing boh kdrŭt mđĭ kyar đru mguôp hŏng kluôm ala mkŏ mkra hdră duh mkra êngiê, pŏk mlar, mguôp ñŭ kma hŏng ala tač êngao kñăm ba wĭt klei tŭ dưn hlăm boh klei mrâo.

                                                    Pô mblang: H’Nêč Êñuôl