Blŭ ti knăm anei, Khua knŭk kna bi mni lehanăn h’êč hmưi dŭm boh tŭ dưn Anôk bruă hóa chất dưi mâo hlăm hdră mkŏ mkra lehanăn mđĭ kyar 55 thŭn êgao. Khua knŭk kna lač klă, hlăm hdră tuh tia bi mrâo mrang ala čar snăn Anôk bruă hóa chất jing anôk bruă tuh tia tur knơ̆ng, kyua anăn Êpul group Hóa chất Việt Nam dôk ti anăp klei brei mđĭ kyar pral hĭn.

Anei jing bruă klam yuôm bhăn anăp Đảng, Knŭk kna lehanăn mnuih ƀuôn sang. Khua knŭk kna mtă hlăm wưng ti anăp, Êpul group Hóa chất Việt Nam brei klă sĭt hgŭm mguôp, mdưm klei tŭ dưn ala čar, djuê ana jing êlâo hĭn, bi hgŭm kjăp, tŭ dưn hŏng dŭm phŭn, dhar bruă, anôk bruă, alŭ wăl; bi hgŭm hlăm anôk bruă, êpul group; mđing kơ hdră duh bi liê, ba yua jih klei găl hlăm hdră duh mkra mtah, bi mlih mrô, bi mlih mtah, mđĭ kyar bruă pui kmlă h’ĭt kjăp./.