Tui si hdră aguah hrue anei 6/3 khua knŭk kna Phạm Minh Chính nao hlăm klei bi kƀĭn kluôm lehanăn klei bi kƀĭn điêt. Klei bi kƀĭn gưl dlông yuôm bhăn mâo mkŏ mjing mơ̆ng hrue 4-6/3 jing klei kruak knăl hlăm hƀuê ênuk mbĭt mơ̆ng Australia hŏng alŭ wăl. Klei kruak knăl kơ klei Australia ƀuăn hyuă kjăp hĭn bi hgŭm hŏng alŭ wăl Ngŏ Dhŭng Asi.

Bruă phŭn kơ klei bi kƀĭn jing bi hdơr 50 thŭn klei bi mguôp plah wah Australia - ASEAN lehanăn mđing kơ dŭm bruă duh mkra mnia mblei, klei kiă kriê mrâo, klei kơ yan adiê lehanăn klei pui kmlă doh, wăt hlăm bruă bi hgŭm hlăm êlan êa ksĭ. Jih jang bruă ngă mâo bi trông kơ CEO phung duh mkra tinăn ênŭm phung khua kiă kriê bruă duh mkra mơ̆ng Australia lehanăn Ngŏ Dhŭng Asi, dŭm tĭng djŏ tuôm hlăm bruă mơ̆ng knŭk kna pioh bi trông kơ klei mđĭ kyar bruă duh mkra mnia mblei, lehanăn klei duh bi liê dua nah, klei bi kƀĭn phung duh mkra man dưn lehanăn điêt (SME); klei bi trông kơ yan adiê, lehanăn kơ bruă pui kmlă doh; klei bi kƀĭn hgŭm bruă dŭ mdiăng êlan êa ksĭ./.