VOV4.Êđê - Tlam hrue 13/10, Khua knŭk kna Phạm Minh Chính nao ti anôk mkŏ mjing sang mđung rup VTV ala čar alŭ wăl Yŭ Kwar Dhŭng – VTV Cần Thơ. Mkŏ mjing anôk bruă anei, jing kñăm mđĭ hĭn bruă hâo hưn, ngă bruă kđi čar mơ̆ng sang mđung rup Việt Nam ti alŭ wăl anei, mjing kdrông mkŏ knŭk kna hŏng bruă sang čư̆ êa lehanăn phung ƀuôn sang kñăm mjing boh kdrŭt mrâo rŭ mdơ̆ng yang ƀuôn jăk siam.

Khua knŭk kna lač, hŏng hdră êlan leh tă jăk siam mđrăm mbĭt hŏng jih jang knuă druh mnuih ngă bruă mơ̆ng sang mđung rup Việt Nam, klei sa ai mơ̆ng bruă sang čư̆ êa djăp alŭ wăl, snăn anôk bruă VTV Cần Thơ srăng pral mâo klei đĭ kyar, lehanăn kjăp dưi luôm jih hdră mđung rup hlăm krĭng, lŏ dơ̆ng bi leh jăk bruă čuăn kđi čar mơ̆ng Đảng, Knŭk kna lehanăn phung ƀuôn sang jao./.

VOV TâyNguyên/ Pô mblang: Y-Khem Niê