Anei jing să krĭng taih kbưi, lăn ala dleh găn êrô, klei hdĭp mnuih ƀuôn sang dôk lu klei dlan dlan, hlăk êbeh 600 čô hđeh ăt dôk hriăm ti dŭm sang hră kƀah mnơ̆ng dhơ̆ng. Khua knŭk kna mñă, bruă mkŏ mkra sa boh sang hră mrâo jing bruă tŭ yuôm êdi, jing klei bi êdah mơ̆ng klei hgŭm mguôp, bi êdah klei mđing dlăng mơ̆ng Đảng, Knŭk kna hŏng krĭng knông lăn mơ̆ng ala čar.

Khua knŭk kna mtă kơ alŭ wăl bi hgŭm msir mghaih anôk ala, ba nao mnuih mă bruă hlăm ala ƀuôn čiăng rơ̆ng wưng hluê ngă lehanăn hnơ̆ng tŭ jăk hdră bruă, gĭr bi leh êlâo kơ hruê 30/8/2026. Ƀri gưl anei, Khua knŭk kna mđup brei leh kơ sang hră pŏk rup “Awa Hô kă čhiăm guêč hrah kơ phung hđeh”, bi êdah klei đua klam lehanăn klei čang hmăng hlăm phung nai mtô ti krĭng knông lăn”./.

- Khua knŭk kna Phạm Minh Chính nao ti knăm anei.