VOV4.Êđê - Hlue si asăp Khua mil čhil Mi Joe Biden jak iêo, mơ̆ng hrue 11 – 17/5, Khua knŭk kna Phạm Minh Chính srăng djă akŏ êpul khua prŏng Việt Nam nao ti anôk bi kƀĭn gưl dlông ASEAN – Mi, nao čuă lehanăn mă bruă ti ala čar Mi lehanăn Êpul hgŭm lu ala čar. Anei jing gưl nao kơ ala tač êngao tal êlâo mơ̆ng khua knŭk kna Phạm Minh Chính êjai Việt Nam dưi gang mkhư̆ leh klei ruă tưp Covid 19 hlăm kluôm ala, jhŏng lŏ wĭt pŏk ƀăng msĕ si aguah tlam, dôk pral kơrŭ wĭt bruă duh mkra ala ƀuôn, jih ai tiê ñŭ kma kluôm dhuôm hŏng ala tač êngao, mtrŭn agha êlam, kjăp, mâo klei tŭ dưn. Klei khua knŭk kna Phạm Minh Chính nao čhưn kơ Mi tal anei mâo klei čang hmăng jing klei găl mđĭ hĭn dŭm boh tŭ dưn jăk siam hlăm klei mjĕ mgiăm bruă duh mkra dua ala čar./.

Y-Khem pô mblang