VOV4.Êđê - Ti anôk bi kƀĭn bruă klei mrâo grăp gưl mơ̆ng Phŭn bruă hŏng tač êngao mkŏ mjing tlam hruê 21/4, Pô blŭ bi ala Phŭn bruă hŏng tač êngao Lê Thị Thu Hằng brei thâo: Khua knŭk kna Phạm Minh Chính srăng djă akŏ Êpul bi ala Việt Nam nao ti Klei bi kƀĭn gưl dlông Mi – ASEAN ti Washington hlăm mlan 5 ti anăp. Ƀri gưl anei, Khua knŭk kna Phạm Minh Chính srăng nao čhưn, mă bruă ti Mi lehanăn Êpul hgŭm lu ala čar.

Leh 27 thŭn mkŏ mjing klei bi mjĕ, Việt Nam – Mi mâo leh dŭm knhuang đĭ kyar, hgŭm bruă ba wĭt klei tŭ dưn, mpŭ kơ klei êngiê lehanăn kluôm dhuôm krĭng lăn lehanăn hdră êlan bruă kđi čar mdê bi ala čar. Hluê hŏng anăn, Việt Nam čang hmăng lehanăn mprăp bi hgŭm hŏng bruă knŭk kna Khua mil čhil Mi Joe Biden čiăng mtrŭt mđĭ klei bi mjĕ dua ala čar đĭ kyar hĭn, tŭ dưn lehanăn h’ĭt kjăp, kyua klei êđăp ênang lehanăn đĭ kyar mơ̆ng krĭng wăl lehanăn tar rŏng lăn./.

H’Nêč pô mblang