Khua knŭk kna Phạm Minh Chính tŭ drông Khua kiă kriê êpul bi mguôp leh anăn mđĭ kyar bruă duh mkra Mathias Cormann
Thứ bảy, 08:56, 28/10/2023
VOV TAYNGUYEN
VOV TAYNGUYEN
VOV4.Êđê- Tlam mbruê 27/10, Khua knŭk kna Phạm Minh Chính tŭ drông Khua kiă kriê êpul bi mguôp leh anăn mđĭ kyar bruă duh mkra (OECD) Mathias Cormann ƀri wưng nao hgŭm hlăm klei kƀĭn trông Khua phŭn bruă OECD – Ngŏ Dhŭng Asi leh anăn dŭm mta bruă khua gĭt gai hdră Ngŏ Dhŭng Asi (SEARP) mơ̆ng OECD thŭn 2023 dưi mkŏ mjing gưl tal 2 ti Hà Nội.
Yap yuôm bhăn klei bi mguôp jăk siam plah wah Việt Nam leh anăn OECD, Khua knŭk kna mñă kơ dua tĭng mtrŭt mđĭ klei mjĕ giăm, bi mguôp klă klơ̆ng, tŭ dưn hĭn.
Khua knŭk kna Phạm Minh Chính bi êdah dŭm hdră tă đĭ kyar mơ̆ng Việt Nam, mñă klă dŭm klei mđing tal êlâo mơ̆ng Việt Nam hlăm wưng kơ anăp, mâo mtrŭt mđĭ 3 hdră kdlưn hĭn kơ hdră kiă kriê, bruă mkŏ mkra leh anăn mnuih mă bruă, bi kjăp dŭm boh kdrŭt mđĭ kyar yuôm bhăn (mnia mblei, duh bi liê, blei ba yua) mbĭt anăn mtrŭt mđĭ dŭm mta bruă boh kdrŭt đĭ kyar mrâo msĕ si bruă duh mkra mtah, mlih mrô, bruă duh mrka dar, ƀiă êwa čhŏ, bruă duh mkra knhâo knhăk.
Viết bình luận