Khua knŭk kna yap yuôm bhăn bruă klam mơ̆ng khua kiă kriê hlăm bruă gĭt gai leh anăn mtrŭt mđĭ dŭm mta bruă mơ̆ng WTO, hơêč hmưi kơ aduôn Iweala kyua dŭm boh tŭ dưn dưi mâo leh mơ̆ng păn ngă Khua kiă kriê WTO mơ̆ng mlan 3/2021.

Khua knŭk kna mñă klă, jing sa čô hgŭm mâo bruă klam mơ̆ng WTO, Việt Nam mâo hdră êlan bi lar bruă klam čŏng pô, hur hlăm hlăm dŭm hdră bi mguôp mơ̆ng WTO, gĭr hluê ngă kluôm ênŭm dŭm klei ƀuăn rơ̆ng leh anăn đru mguôp hŏng ai tiê mkŏ mjing hŏng dŭm boh klei dôk bi mđing ti WTO. Khua knŭk kna hmăng hmưi khua kiă kriê leh anăn WTO lŏ dơ̆ng sa ai mtrŭt mđĭ dŭm hdră bi mguôp, đru mkăp brei ngăn prăk, hdră mnêč mơ̆ng WTO kñăm đru kơ Việt Nam mđĭ hnơ̆ng tŭ jăk ñŭ kma bruă tuh mkra tar rŏng lăn, lŏ dơ̆ng đru mguôp klă klơ̆ng hlăm dŭm mta bruă mơ̆ng WTO.