VOV4.Êđê - Tlam mbruê 15/8, Khua knŭk kna Phạm Minh Chính tŭ drông leh k’iăng Khua knŭk kna, khua phŭn bruă hŏng tač êngao Qatar Sheikh Mohammed bin Abdulrahman Al-Thani hriê čuă ala čar Việt Nam. Khua knŭk kna Phạm Minh Chính yap yuôm bhăn dŭm klei đĭ kyar hlăm klei mjĕ giăm, bi mguôp lu mta plah wah Việt Nam leh anăn Qatar, 2 ala čar mâo lu klei bi trông êpul gưl dlông, sa ai hdơ̆ng pô hlăm dŭm klei kƀĭn lu tĭng.

Khua knŭk kna mtă kơ 2 ala čar mđĭ hĭn klei bi trông êpul dŭm gưl, dŭm phŭn, dhar bruă leh anăn mjĕ êrô mnuih ƀuôn sang, dhar kreh plah wah 2 ala čar. Mkŏ mjing klei găl kơ dŭm mta mnơ̆ng dhơ̆ng mnia mblei dưi nao hlăm anôk mnia mblei hdơ̆ng pô, mñă kơ Qatar đru mđĭ kyar bruă tuh tia Halal ti Việt Nam čiăng kơ mnơ̆ng dhơ̆ng mơ̆ng Việt Nam mâo ênŭm hnơ̆ng čoh čuăn anôk mnia mblei Islam.

Y-Ƀel pô mblang