Khua knŭk kna Phạm Minh gĭt gai klei bi kƀĭn gang mkhư̆ klei trah mă kan hdang soh hdră bhiăn IUU
Thứ năm, 09:19, 29/08/2024
VOV TAYNGUYEN
VOV TAYNGUYEN
VOV4.Êđê- Tlam 28/8, Khua knŭk kna Phạm Minh Chính gĭt gai Klei bi kƀĭn ksiêm dlăng boh tŭ hlue ngă klei duah mă kan hdang soh hŏng hdră bhiăn, amâo hưn mdah leh anăn amâo hlue ngă hdră kčah (IUU), mprăp drông leh anăn mă bruă hŏng Êpul ksiêm dlăng mơ̆ng Knơ̆ng bruă Ơ Rôp (EC) tal 5; gĭr lăm lui “Hră kñĭ” mơ̆ng EC.
Hŏng klei gĭr lăm lui “Hră kñĭ” hlăm gưl ksiêm dlăng tal 5 mơ̆ng Êpul ksiêm dlăng mơ̆ng EC mĭn tĭng hlăm mlan 10/2024, Khua knŭk kna mtă, phung bi ala ksiêm dlăng, bi trông truh wưng ară anei boh tŭ msir mgaih klei kƀah hlue si klei kčah mơ̆ng EC.
Khua knŭk kna ăt mtă kơ Êpul hgŭm bi mklă klei kƀah ară anei leh anăn mâo hdră msir bi jih klei ngă soh ba yua IUU mâo Êpul ksiêm dlăng EC lač; rơ̆ng drông leh anăn mă bruă hŏng Êpul ksiêm dlăng EC tal 5 mâo boh tŭ dưn jăk hĭn.
Viết bình luận