Blŭ hrăm hlăm anôk bi kƀĭn, Khua knŭk kna Phạm Minh Chính mñă klă, klei bi hgŭm, bi khăp, bi đru, kah mbha, đru kơ phung mkăn jing knhuah gru yuôm bhăn mơ̆ng djuê ana drei, mâo dŭm gưl ênuk mnuih Việt Nam mkŏ mjing, răng kriê, ksŭl mbŭ leh anăn mđĭ lar mơ̆ng đưm - anăn jing klei jăk siam anak mnuih Việt Nam, mjing ai ktang kơ djuê ana Việt Nam.

Boh nik, knhuah gru yuôm bhăn anăn lŏ dưi bi mklă hŏng klei ngă yuôm bhăn jing myơr asei mlei hŏng ai tiê “brei jing dôk lă lar” mơ̆ng dŭm êbâo čô mnuih hlăm kluôm ala hlăm dŭm thŭn êgao. Ñu bi mklă, anei jing klei mngač, klei ktưn hưn, klei bi knăl kơ klei đĭ kyar mrâo mrang, bi êdah klei thâo, hdră mnêč mrâo mrang, klei thâo lu jơr mơ̆ng phung thơ̆ng kơ grep mnơ̆ng dhơ̆ng hlăm asei mlei anak mnuih leh anăn Bruă mdrao mgŭn Việt Nam./.