VOV4.Êđê - Aguah mbrue (4/5), knơ̆ng bruă sang čư̆ êa čar Sơn La bi kƀĭn leh Êpul mkŏ mjing kơ jih bruă khua knŭk kna srăng bi kƀĭn hŏng phung ngă lŏ hma Việt Nam; Festival boh kroh lehanăn OCOP Việt Nam thŭn 2022 ti čar Sơn La. Hlăm anăn, Klei khua knŭk kna bi blŭ hrăm hŏng phung ƀuôn sang srăng mkŏ mjing hlăm hrue 22/5.

Mkŏ mjing klei bi kƀĭn anei klă anăp mtam ti anôk bruă sang bi kƀĭn Sơn la lehanăn mâo mkŏ online hŏng 62 boh čar, ƀuôn prŏng hlăm kluôm ala. Truh ti wưng anei, klei mprăp êmiêt kơ bruă khua knŭk kna bi tuôm hŏng phung ngă lŏ hma, Festival boh kroh, lehanăn mnơ̆ng OCOP Việt Nam thŭn 2022 hlăk nao hlăm klei găl, djŏ hŏng hdră kñăm./.

Y-Khem pô mblang