Khua knŭk kna trŭn ti lŏ pla mdiê mbĭt hŏng ƀĭng ngă lŏ hma
Thứ sáu, 14:25, 16/02/2024
VOV Tây Nguyên
VOV Tây Nguyên
VOV4.Êđê - Tlam mbruê 15/2, hlăm hruê mă bruă tal êlâo leh gưl mdei Tết, Khua knŭk kna Phạm Minh Chính mâo klei nao čuă, mđĭ ai ƀĭng ngă lŏ hma ti čar Hải Dương.
Nao ti kdrăn lŏ mđĭ ai ƀĭng ngă lŏ hma wưng pla mjing yan puih mnga ti să Hưng Long, kdriêk Ninh Giang, Khua knŭk kna nao čuă leh anôk pla mjing leh anăn buh pla hŏng masin. Leh hmư̆ klei hưn mdah kơ boh sĭt bruă pla mjing yan puih mnga thŭn 2024 leh anăn bruă ba yua masin hlăm klei rah pla mdiê, klei bi hmô dưi yua kdrăp mrâo mrang hlăm bruă pla mjing mdiê lŏ ti Hải Dương, Khua knŭk kna lŏ dơ̆ng đĭ ti êdeh pla mdiê hlăm kdrăn lŏ.
Leh kơnăn, Khua knŭk kna mbĭt hŏng êpul ngă bruă nao čuă krĭng pla mjing carôt, nao čuă êpul hgŭm bruă Đức Chinh, anôk mkra mjing leh anăn đŭng hruh Carôt leh anăn khăt mnal ba čhĭ hnơ̆ng carôt akŏ yan mnga Giáp Thình ti să Đức Chính, kdriêk Cẩm Giàng.
Viết bình luận