Hlăm mmông tŭ drông, Khua knŭk kna Phạm Minh Chính brei thâo, Việt Nam nao kjăp hŏng hdră êlan tač êngao êngiê, čŏng pô, êđăp ênang, bi mguôp leh anăn đĭ kyar, lu jơr leh anăn lu tĭng, mkŏ mjing bruă duh mkra êngiê, čŏng pô, ñŭ kma hŏng tar rŏng lăn kluôm êlam, klă klơ̆ng, tŭ dưn.

Pô bi ala Belgium ti Việt Nam Karl Van Den Bossche mñă klă, Belgium hmăng hmưi mđĭ hĭn klei bi mguôp hŏng Việt Nam hlăm dŭm mta bruă, boh nik hlăm wưng 2 ala čar dôk bi hdơr 50 thŭn mkŏ mjing klei mjĕ giăm, yap yuôm bhăn bruă knŭk kna Việt Nam ba mdah hră êlan pui kmlă mrô 8, anei jing tur knơ̆ng yuôm bhăn kơ dŭm knơ̆ng bruă hluê ngă dŭm hdră pui kmlă. Khua knŭk kna hmăng hmưi pô bi ala Karl Van Den Bossche lŏ dơ̆ng mtrŭt mđĭ, iêo mthưr dŭm knơ̆ng bruă mơ̆ng Belgium duh bi liê kơ Việt Nam, boh nik hlăm bruă mlih mrâo, mlih mrô, mlih mtah.