VOV4.Êđê- Tlam hruê 10/1, Khua knŭk kna Việt Nam Phạm Minh Chính lehanăn Khua knŭk kna Lao Phankham Viphavanh bi tuôm hŏng anôk bruă duh mkra dua ala čar. Ti anôk bi tuôm hŏng phung khua kiă kriê dua ala čar, bi ala anôk bruă duh mkra prŏng mŏng Việt Nam lehanăn Lao mñă klă leh klei mĭn bi hgŭm bruă duh bi liê hlăm wưng sui, h’ĭt kjăp, hưn mdah leh klei akâo čiăng hŏng Knŭk kna lehanăn dŭm phŭn, dhar bruă dua ala čar. Dŭm anôk bruă duh mkra ƀuăn srăng gĭr bi leh dŭm hdră bruă prŏng, yuôm bhăn dôk pŏk ngă čiăng mjing boh kdrŭt hlăm hdră bi hgŭm bruă duh mkra mŏng dua ala čar.

Blŭ hrăm ti anôk bi tuôm, Khua knŭk kna Việt Nam Phạm Minh Chính mtă kơ dŭm Phŭn, dhar bruă lehanăn anôk bruă duh mkra dua ala čar mđĭ hĭn klei bi hgŭm mguôp, đru kơ hdră duh mkra Việt Nam – Lao, bruă phŭn jing bruă kơ klei bhiăn, ngăn prăk, anôk bruă nah gŭ êlan klông, bruă pui kmlă, dăng kông, bruă hiu čhưn ênguê, bi hgŭm tlâo hdră duh mkra Việt Nam – Lào – Campuchia lehanăn hŏng dŭm ala čar mkăn hlăm krĭng wăl./.

Pô mblang: H’Nêč Êñuôl