Tinăn, phung bi ala trông čhai lu kơ bruă djŏ tuôm msĕ si: Việt hung nao phă bruă mđĭ bi lar kdrăp mrâo mrang, mđrĭng hŏng klei ngă bruă mơ̆ng phung duh mkra tar rŏng lăn, mjuăt bi hriăm lu mnuih mbruă kơ kdrăp mrâo ti Việt Nam, tă hdră mđĭ kyar mrâo... Blŭ hrăm tinăn, Khua knŭk kna Belanda Mark Rutte lač, hlăm klei hriê čhưn ti Việt Nam anei mâo giăm 30 êpul phung bi ala kơ kdrăp ênuk mrâo Belanda hriê mbĭt, ba hriê lu bruă čiăng duh bi liê, lehanăn lu phung duh mkra dôk tui duah hdră êlan duh bi liê hgŭm bruă ti Việt Nam.

Blŭ hrăm ti anôk trông čhai mđĭ kyar mtah, Khua knŭk kna Phạm Minh Chính lač, klei mđĭ kyar mtah lehanăn kjăp jing kliăng kơ klei lu ala car dlông rŏng lăn dôk ngă bruă. Khua knŭk kna bi myuôm bruă klam mơ̆ng êpul hgŭm Ơrôp EU kơ bruă mđĭ kyar mtah. Khua knŭk kna čang hmang kơ dŭm phŭn dhar bruă, alŭ wăl lehanăn phung duh mkra Việt Nam lehanăn EU mâo klei mă bruă klă mngač hĭn bi hgŭm dua nah plah wah Việt Nam lẻhanăn EU, ƀuăn đru răng mgang klei tŭ dưn kơ phung duh bi liê mơ̆ng ala tač êngao, hŏng ya mta klei găn, lehanăn mdrăm mbĭt hŏng phung duh mkra hgao klei dleh dlan. Pai mă klei găl, kñăm ngă bruă hŏng klei hơĭt ti Việt Nam klei tŭ dưn bi mbha mbĭt klei awăt kƀah đru bi klam./.