VOV4.Êđê - Tlam mbrue (25/9), Khua lăn čar Nguyễn Xuân Phúc mbĭt hŏng êpul phung khua kiă kriê gưl dlông Việt Nam truh leh kơ tač êdeh phiơr prŏng Haneda, ti Tokyo, kčưm bruă nao ti knăm mkŏ mjing klei čang ênuh ŭ yăm kơ ayang Khua knŭk kna Japon êlâo dih Shinzo Abe.

Tui si hdră, Khua lăn čar lehanăn êpul khua kiă kriê gưl dlông Việt Nam srăng nao ti knăm anei, lehanăn mâo klei bi trông hŏng khua knŭk kna Japon Kishida Fumio, bi tuôm hŏng Khua bruă kƀĭn ala nah gŭ, lehanăn nah dlông ti Japon, nao hlăm anôk mtao Japon drông khua êpul dŭm ala čar, bi tuôm hŏng khua êpul hgŭm phung ngă bruă kƀĭn ala Japon – Việt Nam, lehanăn bi tuôm hŏng khua knŭk kna êlâo dih Suga Yoshihide, bi tuôm hŏng phung khua kiă kriê dŭm alŭ wăl, bi tuôm hŏng phung khua bi ala knŭk kna Japon êlâo dih ti Việt Nam, bi tuôm dua nah hŏng phung khua kiă kriê dŭm ala čar nao ti anôk čang ênuh anei, bi tuôm hŏng Khua Êpul Gơ̆ng kiă kriê Ơrôp, bi tuôm hŏng phung kreh knhâo mnuih Việt Nam dôk ti Japon./.

Y-Khem pô mblang