VOV4.Êđê - Aguah mbrue (27/1), ti anôk bruă khua lăn čar, Khua lăn čar Nguyễn Xuân Phúc drông leh nai prĭn Kusumi Mari, Khua knơ̆ng bruă mjuăt bi hriăm bruă mdrao mgŭn Japon. Ti anôk drông anăn, Khua lăn čar Nguyễn Xuân Phúc bi mni kơ aduôn Kusumi Mari, duh kơ Việt Nam hdră rŭ mdơ̆ng sang hră lehanăn sang êa drao. Kusumi Mari lač jăk kơ khua lăn čar pioh leh mmông čhưn hŏng ñu, lehanăn pŏk brei hdră êlan rŭ mdơ̆ng bruă knuă ti Việt Nam. Ñu lač, klei gĭr mkŏ mjing pral hĭn sang êa drao ti Việt Nam, lehanăn ba yua dŭm kdrăp mrâo mrang hĭn kơ bruă mdrao mgŭn mơ̆ng Japon. Bi klă klei hgŭm bruă mjuăt bi hriăm, lehanăn ba yua kdrăp mrâo mrang jing bruă Việt Nam dôk mđing hĭn êdi, Khua lăn čar čang hmăng kơ Nai prĭn Kusumi Mari gĭr hĭn bi leh pral bruă anei./.

Y-Khem pô mblang