Khua lăn čar bi tuôm hŏng Khua kiă kriê čar Fukuoka lehanăn phung khua kiă kriê dŭm alŭ wăl hlăm krĭng Kyushu
Thứ năm, 10:39, 30/11/2023
VOV Tây Nguyên
VOV Tây Nguyên
VOV4.Êđê-Hlăm wưng dôk čhưn ti čar Fukuoka, hruê29/11, Khua lăn čar Võ Văn Thưởng mbĭt hŏng Êpul bi ala gưl dlông Việt Nam bi tuôm leh hŏng Khua kiă kriê čar Fukuoka lehanăn phung khua dŭm alŭ wăl krĭng Kyushu mâo čar Nagasaki, Miyazaki, Saga, Kagoshima.
Ti knăm anei, Khua lăn čar Võ Văn Thưởng bi mni klei bi mjĕ hgŭm bruă jăk siam Việt Nam – Japon đĭ kyar leh jăk siam lehanăn klă sĭt hlăm djăp mta ra bruă, bi hgŭm mđĭ kyar hlăm klei bi mjĕ alŭ wăl mâo mkŏ mjing.
Khua lăn čar Võ Văn Thưởng bi mni klei gĭr mơ̆ng Khua kiă kriê čar Fukuoka lehanăn phung khua kiă kriê krĭng Kiu Siu hlăm hdră mtrŭt mđĭ klei bi hgŭm hŏng Việt Nam. Khua lăn čar mtă kơ Khua kiă kriê čar Fukuoka lehanăn phung khua kiă kriê krĭng Kiu Siu gĭr hluê ngă kjăp dŭm klei kuôl kă bi mjĕ hgŭm bruă mrâo hluê hdră mđĭ klei bi hgŭm plah wah krĭng Kyushu lehanăn dŭm alŭ wăl mơ̆ng Việt Nam, boh nik hlăm bruă alŭ wăl mâo klei găl msĕ si mkra mjing, ba yua kdrăp mrâo hlăm hdră lŏ hma, msir mghaih êa djah./.
Viết bình luận