VOV4.Êđê - Hruê mbruê, ti ƀuôn prŏng Hồ Chí Minh, Khua lăn čar Nguyễn Xuân Phúc lehanăn Êpul bi ala anôk bruă kƀĭn ala ƀuôn prŏng Hồ Chí Minh Êpul mrô 10 bi tuôm hŏng mnuih ƀuôn sang dŭm kdriêk Củ Chi lehanăn Hóc Môn. Êpul bi ala anôk bruă kƀĭn ala ƀuôn prŏng mđing hmư̆, hlak mblang, tŭ mă klei blŭ kơ dŭm bruă yuôm mơ̆ng lăn čar lehanăn ƀuôn prŏng, msĕ si kiă kriê ênoh êa săng, êa pui, dŭm hdră bruă ti ƀuôn prŏng Hồ Chí Minh êmưt čuăl mkă ba lu klei ăl čôñ hlăm mnuih ƀuôn sang…

Khua lăn čar gĭt gai khua ƀuôn prŏng hlak mblang kơ mnuih ƀuôn sang ti anôk bi tuôm mbĭt anăn brei msir mghaih klei hưn mdah mơ̆ng mnuih ƀuôn sang. Ti knăm anei, Khua lăn čar ăt hưn kơ mnuih ƀuôn sang boh tŭ mơ̆ng Klei bi kƀĭn tal 6 Anôk kriê dlăng bruă Đảng gưl dlông mrâo mkŏ mjing. Kơ boh tŭ hluê ngă bruă thŭn 2022, Khua lăn čar brei thâo, ala čar drei hluê ngă leh tŭ jing mta kñăm, bruă klam. Kluôm ala bi leh 14/15 hnơ̆ng čuăn, lu hnơ̆ng čuăn mâo boh tŭ kdlưn hĭn./.

VOV TâyNguyên/Pô mblang: H’Nêč Êñuôl