VOV4.Êđê- Aguah mbrue (17/5), ti anôk bruă khua lăn čar, Khua lăn čar Nguyễn Xuân Phúc bi tuôm hŏng phung bi ala mnuih mâo k’hưm hlăm mnuih djuê ƀiă ti čar Tuyên Quang. Ti anôk bi tuôm, Khua lăn čar lač, Đảng, knŭk kna mâo nanao klei mđing kơ bruă djuê ana, jing bruă phŭn hlăm hdră êlan bruă cách mạng ala čar pô, mâo ngă leh lu bruă prŏng mđĭ kyar klei duh mkra dhar kreh, yang ƀuôn răng mgang klei êđăp ênang hlăm krĭng mnuih djuê ƀiă, lehanăn krĭng čư̆ čhiăng, wăt hlăm krĭng dap mnai.

Hlăm wưng kơ anăp, Khua lăn čar Nguyễn Xuân Phúc mtă kơ dŭm phŭn dhar bruă, lehanăn alŭ wăl, hlăm anăn mâo čar Tuyên Quang bi mghaih msir djăp mta klei dleh dlan, lŏ bi kjăp hdră êlan, dưn yua jih klei găl pô hlăm mnuih mâo k’hưm krĭng mnuih djuê ƀiă, đru bi leh tŭ jing bruă djuê ana mơ̆ng Đảng, lehanăn hdră êlan djuê ana mơ̆ng knŭk kna ară anei./.

Pô mblang: H’Nêč Êñuôl