VOV4.Êđê- Hlăm wưng dôk ti Japon nao hlăm knăm čang kơ Khua knŭk kna hđăp Abe Shinzo, hruê 27/9, Khua lăn čar Nguyễn Xuân Phúc mâo leh dŭm klei bi tuôm dua nah hŏng khua gĭt gai gưl dlông dŭm ala čar leh anăn dŭm ala čar hgŭm nao hlăm knăm čang.

Hlăm klei bi tuôm hŏng Khua knŭk kna Campuchia Samdech Techo Hun Sen, dua tĭng bi mklă dlăng myuôm leh anăn mđing kơ bruă hrăm mbĭt răng kriê leh anăn amâo mdei mkra mđĭ klei bi hgŭm riêng gah jăk siam, bi hgŭm djuê ana, bi hgŭm kluôm ênŭm, hơĭt kjăp sui plah wah dua ala čar.

Hlăm klei bi tuôm hŏng Khua êpul hgŭm Ơ Rôp Charles Michel, Khua lăn čar bi mni kơ jar bi hgŭm kluôm Việt Nam-EU, bi mklă Việt Nam dlăng EU jing ƀĭng hgŭm yuôm bhăn mrô sa mơ̆ng Việt Naml bi mni kơ EU ba mdah lu klei mĭn mbruă bi hgŭm hŏng krĭng Asi -Pacific./.

Pô mblang: H’Zawut Ƀuôn Yă