VOV4.Êđê- Tlam hruê 25/4, Khua lăn čar Nguyễn Xuân Phúc, Khua êpul hgŭm bruă lĭng kahan – răng mgang klei êđăp ênang nao čhưn, mă bruă, ksiêm dlăng hdră bruă lĭng kahan ti kahan krĭng 1. Blŭ ti knăm anei, Khua lăn čar Nguyễn Xuân Phúc mñă klă, hlăm wưng êgao, Knơ̆ng gĭt gai lĭng kahan krĭng 1 hluê ngă leh jăk bruă klam ti alŭ wăl.

Boh nik, êpul kahan hrăm mbĭt hŏng dŭm gưl bruă Đảng, bruă sang čư̆ êa alŭ wăl nao hgŭm hluê ngă tŭ dưn hdră msir mghaih klei truh mơ̆ng yan adiê ngă, đru dŏng... hdră hdơr knga tla ai, msir klei ư̆ êpa, bi hrŏ klei ƀun knap, đru kơ mnuih ƀuôn sang gang mkhư̆ Covid 19, đru lŏ bi msiam hĭn pŏk rup “Lĭng kahan Awa Hô” hlăm ai tiê mnuih ƀuôn sang. Khua lăn čar mtă, êpul kahan krĭng 1 brei gĭr bi leh jăk bruă klam, mprăp ai kdơ̆ng mblah lehanăn răng mgang ala čar hlăm wưng mrâo, lŏ čuê čih dŭm hla pŏk hƀuê ênuk kdrưh k’ăm mơ̆ng Chiến khu 1, Liên khu 1, Liên khu Việt Bắc, Quân khu Việt Bắc thŭn đưm êlâo lehanăn kahan krĭng 1 hruê anei./.

                                                    Pô mblang: H’Nêč Êñuôl