VOV4.Êđê - Tlam mbrue (9/8) ti anôk bruă khua lăn čar, Khua lăn čar Nguyễn Xuân Phúc drông čhưn leh hŏng Đại tướng Hun Manet, K’iăng knơ̆ng khua kiă kriê kahan ala mtao Campuchia, hlăk dôk čhưn ti Việt Nam. Khua lăn čar Nguyễn Xuân Phúc hơ̆k mơak kkuh čhưn hŏng đại tướng Hun Manet hriê čhưn lehanăn mă bruă ti Việt Nam, đăo knang klei hriê čhưn anei srăng đru mguôp yuôm bhăn hlăm klei hgŭm mbĭt Việt Nam – Campuchia 2022.

Mñă Việt Nam lehanăn Campuchia jing dua ala čar jĕ giăm mâo klei bi mguôp leh mơ̆ng đưm, Khua lăn čar čang hmăng kơ Đại tướng Hun Manet, hŏng bruă pô dôk ngă ară anei, lehanăn hlăm wưng kơ anăp, srăng lŏ dơ̆ng bi mguôp kjăp đru bi kriê pioh răng mgang klei bi mguôp mâo leh mơ̆ng đưm, hgŭm mbĭt kluôm ênŭm jăk siam hĭn, kjăp hĭng plah wah dua ala čar./.

Y-Khem pô mblang