Blŭ hrăm hlăm mmông mă bruă, Khua lăn čar brei thâo, hlăm lu thŭn êgao, Việt Nam gĭr ktưn, bi hgŭm hlăm hlăm klei bi mjĕ leh anăn hlăm ai tiê thâo khăp, mbĭt hŏng dŭm êpul bruă, ƀĭng hgŭm, ƀĭng găp dlông rŏng lăn ngă bruă bi juh klei ênguôt hnĭng  ana mnuih, bi đru leh anăn răng mgang phung ênưih kpĕ êka hlăm djăp boh klei.

Mđĭ lar, lar bra ai tiê knhuah gru jăk siam mơ̆ng djuê ana, Đảng, Knŭk kna Việt Nam mđing nanao hŏng bruă đru kơ mnuih knap mñai mơ̆ng lăn čar pô leh anăn mơ̆ng lu ala čar. Khua lăn čar čang hmăng, hlăm wưng kơ anăp, êpul hgŭm gru bi kal hrah leh anăn mlan wat mniă hrah lu ala čar, Knơ̆ng bruă gru bi kal hrah lu ala čar leh anăn dŭm ƀĭng hgŭm hlăm Hdră bruă đru kơ mnuih knap mñai srăng lŏ dơ̆ng lŏ mâo klei mđing dlăng kơ Việt Nam, đru, ba klei bi hgŭm mơ̆ng Êpul hgŭm gru bi kal hrah Việt Nam êlam hĭn, mkŏ mjing jar bi hgŭm kjăp hĭn čiăng kơ Việt Nam dưi đru mguôp lu hĭn kơ bruă đru kơ mnuih knap mñai dlông rŏng lăn.