VOV4.Êđê - Tlam hruê 25/8, ti Adŭ bruă Khua lăn čar, Khua lăn čar Nguyễn Xuân Phúc drông leh Choi Young-joo, Khua hđăp Êpul mjĕ mjuk Dhŭng Korea – Việt Nam, Khua Êpul group Panko Dhŭng Korea.

Ti knăm anei, Khua lăn čar bi mni kơ Êpul group Panko mđĭ hdră duh bi liê hlăm Việt Nam, mbĭt anăn bi mni kơ Choi Young-joo đru leh kơ Việt Nam hlăm hdră gang mkhư̆ klei ruă Covid 19. Boh nik, hlăm wưng klei ruă tưp bluh mâo ktang ti ƀuôn prŏng Hồ Chí Minh, ñu mtrŭt mjhar anôk bruă duh mkra Dhŭng Korea đru 1 êklăk USD lehanăn ênoh prăk anei dưi m’ĭt kơ ƀuôn prŏng Hồ Chí Minh yua hlăm hdră gang mkhư̆ klei ruă. Khua lăn čar čang hmăng Êpul group Panko srăng đru ênoh prăk mnia mblei Việt Nam - Dhŭng Korea hnưm mâo 100 êklai USD hlăm wưng ti anăp./.

H’Nêč pô mblang