Hlăm hdră nao čhưn ti Japon, Khua lăn čar Võ Văn Thưởng bi tuôm leh hŏng Khua knŭk kna hđăp, Khua kiă kriê Đảng Dân chủ tự do (LDP) Aso Taro, Khua kiă kriê Đảng Công Minh YamaguchiNatsuo, Khua kiă kriê Đảng Cộng sản Japon Shii lehanăn êpul phung khua, mnuih Japon sŭk suôr hŏng Việt Nam.

Ti knăm anei, Khua lăn čar Võ Văn Thưởng lač klă, klei bi mjĕ Việt Nam – Japon đĭ leh jing Ƀĭng hgŭm phŭn kluôm dhuôm kyua klei êđăp ênang lehanăn đĭ kyar ti krĭng Asi lehanăn tar rŏng lăn, dôk anăp klei găl čiăng lŏ đĭ kyar hĭn hlăm djăp mta ra bruă, boh nik dŭm bruă mrâo hŏng hnơ̆ng trah dlăng hlăm 50 thŭn kơ anăp. Phung khua kiă kriê mñă srăng mjing djăp klei găl, gĭr đru mguôp hlăm klei đĭ kyar hlăm klei bi mjĕ, hgŭm bruă Việt Nam – Japon, hlăm anăn mâo hdră bi mjĕ mjuk phung khua êmua mơ̆ng dua ala čar./.