Khua lăn čar drông phung bi ala dŭm ala čar ba hră hưn mdah mơ̆ng lăn čar leh anăn bi tuôm leh jih wưng păn bruă
Thứ ba, 10:59, 30/01/2024
VOV Tây Nguyên
VOV Tây Nguyên
VOV4.Êđê - Tlam mbruê 29/1, ti sang bruă Khua lăn čar, Khua lăn čar Võ Văn Thưởng drông leh phung bi ala dŭm lăn čar Poland, Español, Banglades hriê ba hră hưn mdah mơ̆ng lăn čar, drông pô bi ala Mozambique hriê bi tuôm legh jih wưng păn bruă.
Tŭ drông pô bi ala Polnad Aleksander Surdej hriê păn ngă bruă klam ti Việt Nam, Khua lăn čar đăo knang, Pô bi ala srăng mâo dŭm klei đru mguôp klă klă čiăng mtrŭt mđĭ klei mjĕ giăm dua lăn čar.
Khua lăn čar mñă klă, mnuih ƀuôn sang Việt Nam mâo nanao klei mpŭ kyua klei sa ai leh anăn klei đru yuôm bhăn mơ̆ng nbs Poland brei kơ Việt Nam hlăm wưng bi blah sua wĭt klei êngiê, hluh hlir lăn čar ăt msĕ mơh hlăm klei mkŏ mjing, mđĭ kyar lăn čar ară anei. Drông pô bi ala Español Carmen Cano De Lasala, Khua lăn čar hơ̆k mơak kyua ƀuh, klei bi mguôp dua lăn čar mâo boh tŭ dưn hlăm djăp mta bruă. Khua lăn čar mñă kơ 2 lăn čar mđĭ hĭn klei đăo knang bruă kđi čar, bruă hŏng tač êngao, mtrŭt mđĭ dŭm gưl nao čuă gưl dlông leh anăn dŭm gưl.
Viết bình luận