Drông khua bi ala New Zealand, Khua lăn čar Võ Văn Thưởng bi mni kơ khua bi ala mâo leh lu klei đru mguôp yuôm bhăn, lehanăn tŭ jing, mtrŭn leh agha êlam hlăm klei bi mguôp plah wah Việt Nam - New Zealand. Khua lăn čar čang hmăng, anăp anei hŏng yta mta bruă păn, khua bi ala ăt srăng pioh ai ti klei khăp hlăm klei hgŭm Việt Nam-New Zealand. 

Drông khua bi ala Peru, Khua lăn čar hơêč hmưi kơ Au-gút-xtô Mô-rê-li bi leh bruă păn hlăm wưng 6 thŭn ti Việt Nam, đru mguôp kơ klei mjĕ mgiăm Việt Nam-Peru. Peru jing ala čar hgŭm yuôm bhăn hŏng Việt Nam lehanăn dŭm ala čar ti Mi La tino lehanăn bi sa ai hlăm dŭm klei bi kƀĭn alŭ wăl lehanăn lu lăn čar. Khua lăn čar čang hmăng kơ khua bi ala lŏ bi leh jăk bruă mrâo, mđĭ hĭn klei bi mguôp Việt Nam-Peru.