Hlăm klei bi kƀĭn, Êpul gơ̆ng bi trông leh anăn klei blŭ kơ dŭm boh tŭ dưi mâo hlăm dŭm mta bruă, boh nik lĭng kahan, răng mgang klei êđăp ênang, bruă hŏng tač êngao hlăm wưng êgao; mblang, bi mklă boh klei dlông rŏng lăn, krĭng wăl leh anăn dŭm klei hmăi hŏng Việt Nam; klei kčĕ boh phŭn hdră, bruă klam thŭn 2024. Kơ boh phŭn dŭm klei bi kƀĭn Êpul gơ̆ng thŭn 2024.

Êpul gơ̆ng bi tŭ ư bi trông, brei klei blŭ kơ dŭm bruă yuôm bhăn, djŏ tuôm kơ lĭng kahan, klei êđăp ênang, hŏng tač êngao, mơ̆ng anăn kčĕ, mguôp klei blŭ hŏng Phŭn bruă kđi čar, Bruă kƀĭn ala, Knŭk kna. Bi ala kơ Êpul gơ̆ng bruă lĭng kahan, Khua lăn čar Võ Văn Thưởng mtă hlăm wưng kơ anăp, dŭm êpul, anôk bruă djŏ tuôm lŏ dơ̆ng ktuê dlăng, păn kjăp boh klei, ksiêm hriăm, mblang, đăo knăl boh klei dlông rŏng lăn, krĭng wăl, hlăm ala čar, mơ̆ng anăn hmao kčĕ hŏng Đảng, Knŭk kna dŭm hdră êlan, hdră mtrŭn msir mgaih, mđing răng mgang tur knơ̆ng klei mĭn mơ̆ng Đảng, bi kdơ̆ng hŏng phung roh; lŏ dơ̆ng mđĭ lar knhuah gru, ai ktang bi hgŭm djuê ana hlăm bruă mkŏ mjing leh anăn răng mgang čar kwar./.