VOV4.Êđê - Aguah mbrue (9/6), Binh đoàn mrô 11, hlăm phŭn bruă lĭng kahan, mkŏ mjing leh knăm bi hdơr 40 thŭn hrue knhuah gru Binh Đoàn (11/6/1982 – 11/6/2022) lehanăn drông mă mêđai răng mgang lăn čar mrô 3.

Ti knăm anei, bi ala kơ Đảng, knŭk kna Khua lăn čar mđup brei leh Mêđai răng mgang lăn čar mrô 3 kơ Binh đoàn 11. Blŭ hrăm ti anôk anăn, Khua lăn čar lač Binh đoàn 11 bi êdah klei gĭr jih ai tiê ngă hlăm dŭm bruă răng mgang lăn čar, mjing knơ̆ng hlăm bruă mkŏ mjing êpul lĭng kahan, hlăm anăn mđing êdi bruă rŭ mdơ̆ng sang bruă kƀĭn ala ti Lao dưi yap jing bruă yuôm bhăn bi êdah klei thâo bi mguôp jăk siam Việt Nam – Lao. Hlăm wưng kơ anăp bruă knuă srăng ngă mâo khua lăn čar mtă kơ Binh Đoàn 11 lŏ dơ̆ng mđĭ hĭn ai ktang pô, bi leh bruă čuăn mơ̆ng lĭng kahan, mđĭ bruă thâo duh mkra mơ̆ng lĭng kahan, bi mguôp klei mđĭ kyar bruă duh mkra mbt hŏng bruă răng mgang klei êđăp ênang./.

Y-Khem pô mblang