Sang hră gưl prŏng Thái Nguyên ară anei mâo êbeh 70 êbâo čô hđeh sang hră, phung hriăm gưl prŏng, hlăm anăn mâo giăm 1 êbâo čô hđeh sang hră ala tač êngao, hŏng 2.500 čô nai mtô. Sang hră gưl prŏng Thái Nguyên ară anei dưi bi klă anăn knăl, kơhưm mơ̆ng sa sang hră gưl prŏng hnơ̆ng ala čar, mđĭ kyar kluôm wăt kơ hnơ̆ng leh anăn dŭm mta bruă mtô bi hriăm leh anăn hnơ̆ng tŭ jăk.

Khua lăn čar jing êjai mñă kơ Sang hră gưl prŏng Thái Nguyên lŏ dơ̆ng hyuă kjăp leh anăn hluê ngă dŭm hdră kčah mtrŭn, hdră êlan mơ̆ng Đảng, knŭk kna kơ klei bi mlih mrâo, bi kluôm bruă mtô mjuăt bi hriăm, kơ klei mđĭ kyar krĭng, mbĭt anăn mâo klei mbruă, mâo hdră êlan, knhuang nao djŏ guôp. Phŭn bruă mtô mjuăt bi hriăm, dŭm phŭn, dhar bruă gưl dlông, čar Thái Nguyên leh anăn dŭm alŭ wăl hlăm krĭng lŏ dơ̆ng uêñ mĭn, mkŏ mjing klei găl leh anăn mkăp ai dưi jăk hĭn čiăng kơ Sang hră gưl prŏng Thái Nguyên đĭ kyar hluê hdră mâo leh.