Alŭ wăl knhuah gru anôk phŭn krŭ kdơ̆ng  Định Hóa, anôk khua gĭt gai Hồ Chí Minh mbĭt hŏng phung khua kiă kriê gưl dlông  Đảng, knŭk kna dôk lehanăn mă bruă hlăm ênuk kdơ̆ng mblah hŏng Prăng plah ala. Hŏng ai êwa kdrăm k’ah Khua lăn čar jing jai Võ Thị Ánh Xuân lehanăn phung khua êmua hlăm êpul čuh leh brui mngưi, mđup mnga čuh dian bi hdơr, lehanăn bi êdah ai tiê thâo hdơr knga mơ̆ng kluôm Đảng, jih jang mnuih ƀuôn sang hŏng ai tiê prŏng prĭn mơ̆ng khua gĭt gai Hồ Chí Minh.

Êpul lŏ dơ̆ng hriăm lehanăn tui ngă hlue si knhuah mngač mơ̆ng awa, mâo klei thâo mkiêt mkriêm, kpă ênuah, jih ai tiê ngă bruă kơ lăn čar. Wưng anei, Khua lăn čar jing jai Võ Thị Ánh Xuân mđup brei leh mnơ̆ng kơ 50 čô mnuih mâo bruă tŭ dưn hŏng cách mạng lehanăn 200 čô hđeh dôk hlăm klei dleh dlan ti kdriêk Định Hóa.